(1602-1658)
Jhr sinnenreiches volck / ihr Bienen / die ihr welet
Durch lehre der Natur den
König vnter euch /
Der wol regiren sol das
wächsen Königreich /
Die ihr den grünen Klee
vnd blümelein bestelet /
Bestelt das regement / das nichts an klugheit fehlet /
Macht honigseim / das ihr
im winter zehrt /
Vnd ewren zoll vnd schoß
dem Bienmann hin gewehrt / -
Poeten ewer sinn vnd witz
wird zugezehlet
Durch gabe der Natur: Apollo hat die kron
Vnd Zepter über vns auf
seinem Helicon.
Wir gehn in Griechenland
nach rosen vnd Violen /
Wir fliegen auch nach Rom vmb gute blümelein
Vnd ziehen aus den safft
/ biß wir satt worden sein.
Dann laß wir bey uns die
leser honig holen.
(1602-1658)
Herr Machfried,
weil ich sol bey euch an itzt verbleiben
Vnd nemen
gleichfalls auch das nachtmal mit euch ein,
Vnd wie Studenten
brauch versuchen külen wein,
So bitt ich das
ihr mich nicht wollet übertreiben.
Nicht aber wil ich
euch gesetz vnd mass fürschreiben,
Weil ihr wol
selber wüsst was mag zu halten sein,
Vnd wie kein
übelstand vnd vnrecht komm darein –
Damit wir mund vnd
geist vnd allen sinn verkleiben.
Wann gute Companie
wil halten einen schmaus,
So sol sie nach
vernunft Pocalen trincken aus,
Vnd einen, zweie,
drey herunter lassen gehen.
Der erste trunck
der ist zum durste gar genung,
Der ander für die
lust, der dritt ist geistes schwung.
Den Vierten lass
ich da alss einen kuhsuff stehen.